Թուրքիան, Սաուդյան Արաբիան և Պակիստանը ստորագրել են« Մեքքայի պաշտպանության համաձայնագիր»

Նախագահ Ռեջեփ Թայիփ Էրդողանը, Սաուդյան Արաբիայի թագաժառանգ Սալմանը և Պակիստանի վարչապետ Շարիֆը ստորագրել են եռակողմ պաշտպանության համաձայնագիր Թուրքիայի, Սաուդյան Արաբիայի և Պակիստանի միջև։ Այս մասին գրում են թուրքական լրատվամիջոցները։

Նախագահ Էրդողանի Սաուդյան Արաբիա կատարած մեկօրյա աշխատանքային այցի ընթացքում ստորագրվել է պատմական «Մեքքայի համատեղ պաշտպանության համաձայնագիրը», որը կվերաձևավորի Թուրքիայի, Սաուդյան Արաբիայի և Պակիստանի միջև տարածաշրջանային անվտանգության ճարտարապետությունը։

Համաձայնագիրը նպատակ ունի համատեղել երեք երկրների պաշտպանական կարողությունները և նպաստել համաշխարհային խաղաղությանը։ Համաձայն դրա երեք ստորագրող պետություններից որևէ մեկի դեմ զինված հարձակումը կհամարվի հարձակում բոլորի դեմ։

Համագործակցության հայտարարված նպատակներից են նաև միջազգային ծովային առևտրային ուղիների անվտանգության ամրապնդումը, էներգետիկ անվտանգության ապահովումը և տնտեսական կայունության պահպանումը։

Փաստաթղթում ընդգծվում է, որ այս գործընկերությունը ագրեսիվ ռազմական ճակատ կամ զսպման փորձ չէ, այլ տարածաշրջանային խաղաղությունը սատարող մեխանիզմ։