Տիգրան Աբրահամյան. Ադրբեջանը հայկական շահերի հաշվին իր պահանջները վերածում է մշտական սպառնալիքի

ՀՀ Ազգային ժողովի «Պատիվ ունեմ» խմբակցության պատգամավոր Տիգրան Աբրահամյանն անդրադարձել է Ադրբեջանի նախագահ Իլհամ Ալիևի վերջին հայտարարություններին՝ կասկածի տակ դնելով Բաքվի՝ խաղաղություն հաստատելու իրական մտադրությունները:

«Ի՞նչ պետք է հասկանալ Ալիևի այն հայտարարությունից, երբ նա հրապարակայնորեն նշում է, որ «ադրբեջանցի ժողովուրդը երբեք չի մոռանա իրենց և իրենց քաղաքների նկատմամբ Հայաստանի օկուպացիոն ուժերի իրականացրած գործողությունները»։ Սա խաղաղության գնացող կամ խաղաղություն հաստատած երկրի ղեկավարի հայտարարությո՞ւն է»,- հարցադրում է արել ընդդիմադիր պատգամավորը։

Աբրահամյանի մեկնաբանությամբ՝ Հայաստանի գործող իշխանություններին ստիպելու և «կուտ տալու» միջոցով հետ են կանգնեցրել բոլոր հայկական պահանջներից ու ակնկալիքներից, իսկ պաշտոնական Երևանն այժմ փորձում է արհեստականորեն ստեղծված միֆերը ձևակերպել որպես քաղաքական օրակարգ։

Խորհրդարանականն ընդգծել է, որ մինչ տեղական իշխանությունը շարժվում է նեղ նյութական մղումներով, ադրբեջանական կողմը հայկական շահերի հաշվին իր պահանջներն ու ձգտումները վերածում է մշտական սպառնալիքի։