Տուգանք վճարենք, քննություն չտանք. վարորդական իրավունքից զրկված վարորդները` Փաշինյանին

Վարորդական իրավունքից խմածության հետևանքով զրկված վարորդները ցանկանում են այն կրկին վերականգնելու համար քննություն չհանձնել, այլ ուղղակի տուգանք վճարել։ Նրանք այս մասին ասացին Երևանի Շենգավիթ վարչական շրջանում քարոզարշավ իրականացնող «Քաղաքացիական պայմանագիր» կուսակցության վարչապետի թեկնածու, գործող ՀՀ վարչապետ Նիկոլ Փաշինյանին։

Նիկոլ Փաշինյանն էլ ի պատասխան ընդգծեց, որ այս հարցով զրուցել է ՀՀ ՆԳ նախարարի հետ ու փորձել հասկանալ, թե օրենսդրությամբ անձամբ ինքն ինչպես կարող է հարցին լուծում տալ։ Նրա խոսքով՝ օրենքով չկա ուրիշ տարբերակ, քան գնալ և 1 տարի անց կրկին քննություն տալ ու վարորդական իրավունքը վերականգնել։