Ծառուկյանը դատի է տվել Փաշինյանին. պահանջում է հրապարակային հերքում և 9 մլն դրամ

Ըստ հայցադիմումի` Նիկոլ Փաշինյանը պետք է հերքի այս տարվա մայիսի 28–ին ճեպազրույցի ընթացքում Ծառուկյանի մասին հնչեցրած՝ «հանցագործ», «շպիոն», «գործակալ» լինելու, «հանցավոր գործարք կնքած լինելու», «Հայաստանի ժողովրդին թալանելու», «օտարերկրյա հատուկ ծառայության ցուցումով Անդրանիկ Թևանյանին ԲՀԿ ցուցակում ներառելու» արտահայտությունները` նշելով՝ այդ հայտարարությունները չեն համապատասխանում իրականությանը՝ սուտ են: