Քաղաքականություն
13 հունիսի 2026 • 09:34
Ծառուկյանը դատի է տվել Փաշինյանին. պահանջում է հրապարակային հերքում և 9 մլն դրամ
Հայցը դատարան մուտքագրվել է հունիսի 2–ին, վարույթ ընդունվել հունիսի 12–ին Երևանի քաղաքացիական դատարանի դատավոր Նաիրա Ավետիսյանի կողմից։
Երևանի քաղաքացիական դատարանը երեկ՝ հունիսի 12–ին, վարույթ է ընդունել «Բարգավաճ Հայաստան» կուսակցության նախագահ, պատգամավորի թեկնածու Գագիկ Ծառուկյանի հայցն ընդդեմ Հայաստանի վարչապետ Նիկոլ Փաշինյանի՝ զրպարտություն և վիրավորանք համարվող տեղեկությունները հերքելու, ներողություն խնդրելու և ավելին քան 9 մլն դրամ փոխհատուցում վճարելու պահանջով,տեղեկանում ենք «Դատալեքս» դատական տեղեկատվական համակարգից։
Հայցը դատարան մուտքագրվել է հունիսի 2–ին, վարույթ ընդունվել հունիսի 12–ին Երևանի քաղաքացիական դատարանի դատավոր Նաիրա Ավետիսյանի կողմից։
Ծառուկյանը պահանջում է վարչապետ Փաշինյանին պարտավորեցնել հայցադիմումը բավարարելու մասին վճիռն օրինական ուժի մեջ մտնելուց հետո 5 աշխատանքային օրվա ընթացքում Հայաստանում գործող զանգվածային լրատվության միջոցների համար հասանելի վայրում և առնվազն 24 ժամ առաջ այդ մասին ԶԼՄ–ներին նախապես ծանուցելով` հրապարակայնորեն հերքել Ծառուկյանի հասցեին տարածված զրպարտություն համարվող փաստացի տվյալները։
Ըստ հայցադիմումի` Նիկոլ Փաշինյանը պետք է հերքի այս տարվա մայիսի 28–ին ճեպազրույցի ընթացքում Ծառուկյանի մասին հնչեցրած՝ «հանցագործ», «շպիոն», «գործակալ» լինելու, «հանցավոր գործարք կնքած լինելու», «Հայաստանի ժողովրդին թալանելու», «օտարերկրյա հատուկ ծառայության ցուցումով Անդրանիկ Թևանյանին ԲՀԿ ցուցակում ներառելու» արտահայտությունները` նշելով՝ այդ հայտարարությունները չեն համապատասխանում իրականությանը՝ սուտ են:
Հայցադիմումի մեջ Ծառուկյանը նշել է, այդ թվում, այն ԶԼՄ–ների ցանկը, որտեղ պետք է հրապարակվի հերքման տեքստն ու Փաշինյանի կողմից ներողություն խնդրելը։
Հայցադիմումով պահանջվում է հօգուտ Գագիկ Ծառուկյանի Նիկոլ Փաշինյանից գանձել 6 մլն դրամ՝ զրպարտությամբ պատճառված վնասի, 3 մլն դրամ՝ վիրավորանքի արդյունքում պատճառված վնասի փոխհատուցման և 310 հազար դրամ` հայցվորի կատարած և կատարելիք դատական ծախսի՝ նախապես վճարված պետական տուրքի, ինչպես նաև փաստաբանի խելամիտ վարձատրության գումարի համար (պայմանագիրը և հաշվարկը կներկայացվեն հավելյալ):
Կարդացեք նաև
Քաղաքականություն14 օգոստոսի 2026
Ադրբեջանի և Հայաստանի միջև խաղաղության համաձայնագրի նախագծի նախաստորագրումից հետո կան կարևոր արդյունքներ․Անիտա Հիփեր
ԵՄ-ն կարևոր է համարում ձեռք բերված պայմանավորվածությունների շարունակականությունը և խաղաղության պայմանագրի ստորագրումն ու վավերացումն ապահովելը։
Քաղաքականություն14 օգոստոսի 2026
ՀՀ-ում Արգենտինայի դեսպանին ընդունել է Ռուբեն Ռուբինյանը
Հանդիպման ընթացքում քննարկվել են նաև Հայաստանի և Արգենտինայի միջև տնտեսական կապերի զարգացմանն ու ընդլայնմանն առնչվող հարցեր։
Քաղաքականություն14 օգոստոսի 2026
Ռուսաստանի նախագահը պատրաստ է կրկին ընդունել ԱՄՆ նախագահի հատուկ բանագնացներին․Լավրով
«Վլադիմիր Պուտինը պատրաստ է կրկին ընդունել նրանց։ Սակայն, թե ինչ են նրանք առաջարկում, դա այլ հարց է»։