UFC-ի նախագահ․ «Ինձ դուր է գալիս, թե ինչ է անում Արման Ծառուկյանը»

UFC-ի նախագահ Դենա Ուայթը խոսել է թեթև քաշային կարգի դասակարգման երկրորդ համար Արման Ծառուկյանի մասին։

«Ինձ դուր է գալիս, թե ինչ է անում Արման Ծառուկյանը։ Նա շարունակում է ակտիվ մնալ։ Նրա համագործակցությունը Նինա Դրամայի հետ ևս վնասակար չէ։ Տեսնենք, թե ինչ է սպասում Ծառուկյանին։ UFC-ի յուրաքանչյուր մրցաշարից հետո իրադարձությունների զարգացումը փոխվում է։ Արմանը պարզապես պետք է չլինի մոլագար, երբ գալիս է UFC»,- Էդին Ռոսի հետ հարցազրույցում ասել է Դենա Ուայթը։

Հիշեցնենք՝ ավելի վաղ UFC-ի նախագահը հայտարարել էր՝ Արման Ծառուկյանը չեմպիոնական մենամարտ անցկացնելու հնարավորություն չի ստանում իր վարքագծի պատճառով։ 29-ամյա հայ մարտիկը 2019 թվականից է հանդես գալիս UFC-ում, որի հովանու ներքո անցկացրել է 12 մենամարտ, տարել 10 հաղթանակ ու կրել 2 պարտություն։