Վահագն Խաչատուրյանը Հաղթանակի զբոսայգում հարգանքի տուրք է մատուցել զոհվածների հիշատակին

Հաղթանակի և խաղաղության տոնի առթիվ Հանրապետության նախագահ Վահագն Խաչատուրյանը երկրի բարձրագույն ղեկավարության հետ այցելել է Երևանի «Հաղթանակ» զբոսայգի՝ հարգանքի տուրք մատուցելու հայրենիքի պաշտպանության և խաղաղության համար զոհվածների հիշատակին, հայտնում է ՀՀ նախագահի մամլո ծառայությունը։

Նախագահի անունից ծաղկեպսակ է դրվել Անհայտ զինվորի հուշակոթողի մոտ։ Հանրապետության նախագահը նաև ծաղիկներ է խոնարհել զոհվածների հիշատակը հավերժացնող անմար կրակի մոտ։