Վահան Կոստանյանը կմասնակցի Անթալիայի դիվանագիտական ֆորումին

Հայաստանի արտաքին գործերի նախարարի տեղակալ Վահան Կոստանյանը կմասնակցի ապրիլի 17–19-ը Թուրքիայում կայանալիք Անթալիայի դիվանագիտական ֆորումի աշխատանքներին, այս մասին հայտնում է Մեդիամաքսը։
Այս մասին է վկայում համաժողովի կայքում զետեղված մասնակիցների ցանկը։

 «2024 եւ 2025 թ-ի Անթալիայի դիվանագիտական ֆորումներին Հայաստանը ներկայացրել էր արտաքին գործերի նախարար Արարատ Միրզոյանը։ 2025 թ-ին Անթալիայի դիվանագիտական ֆորումի շրջանակներում տեղի էր ունեցել Հայաստանի եւ Թուրքիայի միջեւ հարաբերությունների կարգավորման հարցերով հատուկ ներկայացուցիչներ Ռուբեն Ռուբինյանի եւ Սերդար Քըլըչի հանդիպումը, իսկ 2024-ին նրանք մասնակցել էին ֆորումի պանելային քննարկումներից մեկին: Հայաստանի ԱԳՆ-ն դեռեւս պաշտոնական հաղորդագրություն չի տարածել այս տարվա Անթալիայի ֆորումին մասնակցության վերաբերյալ», –ասվում է հաղորդագրությունում։