Վանաձորում ընտրակաշառքի գործով մի շարք անձինք ձերբակալվել են

Հակակոռուպցիոն կոմիտեում նախաձեռնված քրեական վարույթի շրջանակում տվյալներ են ստացվել, որ «Բարգավաճ Հայաստան» կուսակցության Վանաձորի գրասենյակի պատասխանատուն և այլ անձինք Ազգային ժողովի ընտրություններին կուսակցության օգտին քվեարկելու պայմանով ընտրողներին ընտրակաշառք են տվել, այս մասին հայտնում է ՀՀ հակակոռուպցիոն կոմիտեն։

Գործով իրականացված միջոցառումները կատարվել են Հակակոռուպցիոն կոմիտեի և ՆԳՆ քրեական ոստիկանության Լոռու մարզային վարչության ծառայողների կողմից։

Դեպքի առթիվ ձերբակալվել են մի շարք անձինք, կատարվել են խուզարկություններ և այլ վարութային գործողություններ։