Վարչապետի աշխատակազմի ծրագրերի կատարման մակարդակը կազմել է 96%․ Արայիկ Հարությունյան

ԱԺ պետական-իրավական հարցերի և ֆինանսավարկային ու բյուջետային հարցերի մշտական հանձնաժողովների համատեղ նիստում շարունակվել է 2025 թվականի պետական բյուջեի կատարման տարեկան հաշվետվության նախնական քննարկումը, այս մասին հայտնում է Ազգային Ժողովի մամուլի ծառայությունը։

ՀՀ վարչապետի աշխատակազմի ղեկավար Արայիկ Հարությունյանը հայտնել է, որ վարչապետի աշխատակազմի պատասխանատվությամբ իրականացվող ծրագրերի շրջանակում ծախսերը կազմել են 22,5 մլրդ դրամ՝ ապահովելով ծրագրված ցուցանիշի 96 տոկոսը։ Նրա խոսքով՝ նախատեսված 57 միջոցառումներից իրականացվել է 55-ը, իսկ աշխատակազմում ավտոմեքենաների և հաստիքների թիվը չի ավելացել։

ՀՀ նախագահի աշխատակազմի ղեկավարի պարտականությունները կատարող Խաչատուր Պողոսյանը նշել է, որ նախագահի աշխատակազմի փաստացի ծախսը կազմել է 1,63 մլրդ դրամ, ինչը ճշտված պլանի 95 տոկոսն է։ Հաշվետու տարում իրականացվել է նախատեսված երեք միջոցառումը։