«Վեոլիա ջուր» ընկերության ներուժն ամբողջ ծավալով չի օգտագործվել

Դեռ օրեր առաջ ՀՀ վարչապետ Նիկոլ Փաշինյանը հայտարարեց, որ առաջիկա 5 տարիների  ընթացքում ջրային խնդիրները լինելու են Հայաստանի կառավարության  առաջնահերթություններից մեկը։ 

Լրագրողների հետ ճեպազրույցի ժամանակ վարչապետը կրկին խոսեց այս մասին: Անդրադարձավ  հանրապետությունում հաճախակի դարձած ջրանջատումներին և «Վեոլիա ջուր» ընկերության հետ համագործակցության վերանայման հնարավորության վերաբերյալ հարցին։

«Մեր ենթակառուցվածքների մաշվածությանն ավելանում է նաև կլիմայի փոփոխությունը, և մենք այս ուղղությամբ պետք է ակտիվ աշխատանքներ իրականացնենք»,- ասել է վարչապետը։

Նա նշեց, որ իր գնահատմամբ «Վեոլիա ջուր» ընկերության ներուժն ամբողջ ծավալով չի օգտագործվել, և անհրաժեշտ է համագործակցությունն ավելի արդյունավետ դարձնել։ Խոսելով առաջնահերթությունների մասին, վարչապետն ասեց, որ առաջնահերթ պետք է ապահովել Երևանի, Գյումրիի և Վանաձորի շուրջօրյա ջրամատակարարումը: