Վրաերթ, հետիոտնի վիճակը ծանր է

Մայիսի 22-ին, խոշոր վրաերթ է տեղի ունեցել Արարատի մարզում։ Ժամը 23։30-ի սահմաններում Մասիս քաղաքում «Audi» մակնիշի ավտոմեքենայի վարորդը վրաերթի է ենթարկել 37-ամյա տղամարդու, ով փողոցն անցնելիս է եղել չթույլատրելի հատվածով։

Ֆոտոլրագրող Գագիկ Շամշյանի հաղորդմամբ՝ դեպքից հետո վարորդը փախուստի չի դիմել։ Նա անմիջապես ահազանգել է շտապօգնություն և օգնել է տուժածին տեղափոխել հիվանդանոց։

Հիվանդանոցից հայտնել են, որ վրաերթի ենթարկված տղամարդու առողջական վիճակը գնահատվում է ծանր։

Դեպքի առթիվ իրավապահների կողմից նախաձեռնվել է քրեական վարույթ, հանգամանքները պարզվում են։