Վրաստանում անցկացվել է Վրաստանի և Ֆրանսիայի զինվորականների համատեղ վարժանք

Վրացի և ֆրանսիացի զինվորականները Սև ծովում վարժանքներ են անցկացրել, այս մասին հայտնում է Վրաստանի ՊՆ–ն։

Քոբուլեթիում Վրաստանի ՊՈւ հատուկ գործողությունների հրամանատարության զինծառայողները և Ֆրանսիայի բանակի ծովային հետևակի զինծառայողները ծովում պայթուցիկ ականների հայտնաբերման, դրանց չեզոքացման և անվտանգության ապահովման բաղադրիչներով վարժանքներ են իրականացրել։

Ընթացքին հետևել են Վրաստանում Ֆրանսիայի դեսպանը Օլիվիե Կուրտոն, Ֆրանսիայի Հանրապետության ռազմական կցորդ՝ երկրորդ աստիճանի կապիտան Ֆիլիպ Գրուսենմայերը, ինչպես նաև Վրաստանի ՊՈւ ներկայացուցիչներ։