Զելենսկին Լուկաշենկոյին վերջնագիր է ներկայացրել Ուկրաինայի հետ սահմանին տեղակայված ռազմական տեխնիկայի վերաբերյալ

Վոլոդիմիր Զելենսկին հայտարարել է, որ Բելառուսը պետք է հեռացնի Ուկրաինայի հետ սահմանին տեղակայված ռազմական տեխնիկան։ Պետության ղեկավարը նաև նշել է, որ չի վիրավորվել Ալեքսանդր Լուկաշենկոյի խոսքերից։

Ուկրաինական լրատվամիջոցների հաղորդմամբ՝Վոլոդիմիր Զելենսկին այս մասին հայտարարել է Հոնդուրասի նախագահի հետ համատեղ մամուլի ասուլիսի ժամանակ։
Ի՞նչ վերջնագիր է ներկայացրել Զելենսկին․
Ըստ Զելենսկիի, Ուկրաինայի հետ սահմանի երկայնքով Բելառուսում դեռևս տեղակայված են ռուսական հրետակոծությանը նպաստող սարքավորումներ։ Պետության ղեկավարը ընդգծել է, որ Լուկաշենկոն մեկ շաբաթ ունի դրանք հեռացնելու համար։

Ուկրաինային սահմանակից շրջաններում կան սարքավորումներ, որոնք կրակ են արձակում ուկրաինական բնակչության վրա։ Արդյո՞ք մեկ շաբաթը բավարար կլինի դրանք հեռացնելու, դրանք փակելու համար։ «Հակառակ դեպքում մենք դա կանենք», - հայտարարել է Զելենսկին։