Զորահանդեսին ցուցադրված ռուսական «Տոր–Մ2ԿՄ» ԶՀՀ–ն Հայաստանը վերջերս է ստացել․ Ասրյան

ՀՀ ԶՈւ գլխավոր շտաբի պետը չնշեց այն 7 երկրների անունները, որոնց արտադրության զենքը ցուցադրվել է մայիսի 28–ի զորահանդեսի ժամանակ:

Երևանում ցուցադրված զորահանդեսի ժամանակ ռուսական «Տոր-Մ2ԿՄ» զենիթահրթիռային համալիրները Հայաստանը ստացել է վերջերս, ԱԺ–ում լրագրողների հետ զրույցում ասել է ՀՀ ԶՈւ գլխավոր շտաբի պետ, գեներալ–լեյտենանտ Էդվարդ Ասրյանը:

Նա հաստատեց՝ այդ օրը ցուցադրվել է նաև վերջին շրջանում ձեռքբերված ռուսական արտադրության զենքը։

«Դուք զորահանդեսի ժամանակ տեսել եք ռուսական «Տոր-Մ2ԿՄ» –ները, որոնք մենք ստացել ենք վերջին շրջանում»,– նշել է ԳՇ պետը: