115 խնամատար ընտանիքում խնամվում է 271 երեխա․ պետությունը շարունակում է աջակցության ծրագրերը

Հայաստանի Հանրապետությունը շարունակում է ֆինանսական և սոցիալական աջակցություն տրամադրել խնամատար ընտանիքներին՝ կյանքի դժվարին իրավիճակում հայտնված երեխաների խնամքն ու դաստիարակությունը ընտանեկան միջավայրում կազմակերպելու համար։ Այս մասին հայտնում են ՀՀ աշխատանքի և սոցիալական հարցերի նախարարությունից։

Այս պահին հանրապետության 115 խնամատար ընտանիքներում խնամք և դաստիարակություն է ստանում 271 երեխա։

Խնամատար ծնող հաշվառվելու համար քաղաքացիները պետք է դիմեն իրենց բնակության վայրի մարզպետարան, իսկ մայրաքաղաքում՝ Երևանի քաղաքապետարան։