2026-ի 1-ին կիսամյակում տրամադրվել է օտարերկրյա պետություններում ՀՀ քաղաքացու վավերական 334 անձնագիր

ՀՀ կառավարությունն ընդունել է որոշում, որով սահմանվում է արտակարգ իրավիճակներում հայտնված օտարերկրյա պետությունների հայ համայնքների ներկայացուցիչներին առանց պետական տուրքի գանձման ՀՀ քաղաքացու անձնագրեր տրամադրելու կարգը։

Ըստ հիմնավորման՝ պետտուրքի վճարումից ազատվում են ազգությամբ հայ այն օտարերկրյա քաղաքացիները կամ ՀՀ քաղաքացիները, որոնց մշտական բնակության վայրում ստեղծվել է քաղաքացիների կյանքին կամ առողջությանը սպառնացող արտակարգ իրավիճակ:

Որոշման շրջանակներում 2026 թվականի առաջին եռամսյակում արդեն իսկ տրամադրվել է օտարերկրյա պետություններում վավերական 334 անձնագիր, որոնց համար պետական տուրք չի գանձվել:

• Հալեպում ՀՀ գլխավոր հյուպատոսություն՝ 231 անձնագիր (գործ),

• Դամասկոսում ՀՀ դեսպանություն՝ 103 անձնագիր (գործ)։

Նշված անձնագրերը տրամադրվել են հիշյալ քաղաքներում բնակվող ՀՀ քաղաքացիներին, ինչպես նաև ազգությամբ հայ այն օտարերկրյա քաղաքացիներին, որոնք նոր են ձեռք բերել ՀՀ քաղաքացիություն և առաջին անգամ են դիմել անձնագիր ստանալու համար: