2026թ․ հունվար-մայիսին Հայաստան-Վրաստան առևտրաշրջանառությունն աճել է 49.4%-ով

2026թ․ հունվար-մայիսին Հայաստան-Վրաստան առևտրաշրջանառությունն աճել է 49.4%-ով՝ հասնելով 421.5 միլիոն ԱՄՆ դոլարի։  Հայաստանից ներմուծումը գրեթե կրկնապատկվել է 5 ամսվա ընթացքում , գրում են վրացական ԶԼՄ-ները: Վիճակագրության համաձայն՝ հունվար-մայիսին Վրաստանը Հայաստանից գնել է 166.1 միլիոն ԱՄՆ դոլարի ապրանք։ 

Ներմուծող երկրների վարկանշային աղյուսակում Հայաստանը զբաղեցրել է իններորդ տեղը՝ 2.3%-ի մասնաբաժնով:

Ներմուծման նման աճը պայմանավորված է պղնձի և թանկարժեք մետաղների հանքաքարերի ծավալի աճով: Հայաստանից ամենաշատ գնված 10 ապրանքի վարկանիշային աղյուսակը հետևյալն է՝

Պղնձի հանքաքարեր և խտանյութեր՝ 105 միլիոն դոլար, 38,619 տոննա;
 Թանկարժեք մետաղների հանքաքարեր և խտանյութեր՝ 13.4 միլիոն դոլար, 1,192 տոննա;
 Ապակե շշեր և տարաներ՝ $8.7 միլիոն, 17,918 տոննա։
 Մարդատար մեքենաներ՝ $6.1 միլիոն։
 Էլեկտրաէներգիա՝ $2.9 միլիոն, 474 տոննա։
Կտրված ծաղիկներ և կոկոններ ՝ $2.6 միլիոն, 588 տոննա։
 Սիգարներ և սիգարիլոներ՝ $1.5 միլիոն, 119 տոննա։
 Բեռների տեղափոխման համար նախատեսված ապրանքներ՝ $1.5 միլիոն, 893 տոննա։
 Թարմ կամ չորացրած խաղող՝ $1.2 միլիոն, 1,369 տոննա։

Վրացական լրատվամիջոցները նշում են նաև, որ  Ռուսաստանի՝ հայկական ապրանքների ներմուծման արգելքից հետո Վրաստան կտրված ծաղիկների և կոկոնների ներմուծումն աճել է։ Նշվում է նաև, որ եթե նախկինում Հայաստանից թարմ ձուկ չէր ներմուծվում, ապա այժմ ներմուծվել է 139 հազար ԱՄՆ դոլարի ձուկ։  

Վրաստանից Հայաստան արտահանումները նույնպես աճել են՝ կազմելով 255.4 միլիոն ԱՄՆ դոլար: Ամենաշատն արտահանվել են՝ 

Ավտոմեքենաներ՝ 32.5 միլիոն դոլար
 Նավթ և նավթամթերք՝ 13 միլիոն դոլար
 Ալկոհոլային խմիչքներ՝ 12.1 միլիոն դոլար
 Բուլդոզերներ՝ 8.7 միլիոն դոլար
Լիմոնադներ՝ 7.5 միլիոն դոլար
 Փաթեթավորված դեղամիջոցներ՝ 7.3 միլիոն դոլար
 Ալյումինե ձողեր և պրոֆիլներ՝ 4.4 միլիոն դոլար
Օդորակման համակարգերի սարքավորումներ՝ 4.4 միլիոն դոլար
Գիպսից կամ դրա հիման վրա պատրաստված խառնուրդներից պատրաստված արտադրանք՝ 4.1 միլիոն դոլար
 Ազոտական ​​պարարտանյութեր՝ 4.1 միլիոն դոլար