Ադրբեջանի ԱԳՆ-ն Թուրքիայի 31 քաղաքացու հայտարարել է «անցանկալի անձ» և արգելել նրանց մուտքը երկիր:

Ադրբեջանի ԱԳՆ-ն Թուրքիայի 31 քաղաքացու հայտարարել է «անցանկալի անձ» և արգելել նրանց մուտքը երկիր, այս մասին  հայտնում են ադրբեջանական ԶԼՄ-երը։

Ցուցակում ընդգրկվել են «Նոր բարեկեցություն» կուսակցության նախագահ Ֆաթիհ Էրբաքանը, Թուրքիայի խորհրդարանի պատգամավոր Օմեր Ֆարուք Գերգերլիօղլուն, HÜDA PAR կուսակցության ներկայացուցիչներ, լրագրողներ, բլոգերներ և կրոնական գործիչներ։

Պատճառը սոցիալական ցանցերում հրապարակումներն ու հայտարարություններն են, որոնք ուղղված են եղել «Ադրբեջանի ինքնիշխանության, ազգային անվտանգության և ղեկավարության դեմ, ինչպես նաև պարունակել են իշխանությունը բռնի ճանապարհով փոխելու և կրոնական թշնամանք հրահրելու կոչեր»։