Ադրբեջանն ու Թուրքիան ընդլայնում են համագործակցությունը ռազմարդյունաբերության ոլորտում

Նշվել է, որ Baykar-ի հետ համագործակցության շրջանակում որոշ զինատեսակներ արդեն իսկ արտադրվում են հենց Ադրբեջանում ստեղծված ձեռնարկություններում։

Ադրբեջանն ու Թուրքիան շարունակում են ամրապնդել գործակցությունը պաշտպանական արդյունաբերության բնագավառում։ Այս մասին Ստամբուլում ընթացող SAHA 2026 պաշտպանական, ավիացիոն և տիեզերական արդյունաբերության միջազգային ցուցահանդեսի շրջանակում հայտարարել է թուրքական հայտնի Baykar ընկերության գլխավոր տնօրեն Հալուկ Բայրաքթարը, հաղորդում է ադրբեջանական Report-ը:

Ըստ Բայրաքթարի՝ թուրքական ռազմարդյունաբերական հսկաները, այդ թվում՝ Baykar, Roketsan և ASELSAN ընկերությունները, Ադրբեջանում իրականացնում են համատեղ արտադրական և ներդրումային ծրագրեր։

Բայրաքթարը շեշտել է, որ այս նախագծերն ուղղված են երկու երկրների միջև պաշտպանական կապերի հետագա սերտացմանը և տեխնոլոգիական փորձի փոխանակմանը։