Ադրբեջանն ու Թուրքիան խորացնում են համագործակցությունը ռազմական լոգիստիկայի ոլորտում

Ադրբեջանի պաշտպանության նախարարության Գլխավոր լոգիստիկ վարչությունում անցկացվել է միջոցառում՝ Ադրբեջանի և Թուրքիայի միջև ռազմական լոգիստիկայի ոլորտում համագործակցության զարգացման նպատակով, այս մասին հայտնում են ադրբեջանական ԶԼՄ–ները։

Հանդիպման ընթացքում կողմերը քննարկել են ժամանակակից մարտադաշտում լոգիստիկայի դերը, ռազմավարական նախազգուշացման, նյութատեխնիկական ապահովման, վիրավորների տարհանման և այլ կարևոր հարցեր։

Միջոցառման ավարտին ստորագրվել է ռազմական լոգիստիկայի ոլորտում համագործակցության վերաբերյալ աշխատանքային արձանագրություն, որը միտված է երկու երկրների միջև ռազմական համագործակցության հետագա ամրապնդմանը։