Ադրբեջանում ոչ մարտական մահվան դեպք․ մահացել է 26-ամյա զինծառայող

Ադրբեջանի զինված ուժերում արձանագրվել է հերթական մահվան դեպքը՝ ոչ մարտական պայմաններում։

Ադրբեջանի պետական սահմանապահ ծառայության (DSX) զինծառայող Ռամին Ջաբրայիլովը մահացել է։ Տեղեկությունը տարածել են ադրբեջանական լրատվամիջոցները՝ հղում կատարելով 26-ամյա զինծառայողի հարազատների հրապարակումներին սոցիալական ցանցերում։

Ըստ հաղորդագրությունների՝ Ջաբրայիլովը հուլիսին պետք է ավարտեր զինվորական ծառայությունը և զորացրվեր։ Մահվան հանգամանքների և պատճառների վերաբերյալ պաշտոնական պարզաբանումներ առայժմ չեն ներկայացվում։