Ադրբեջանցի զինծառայող է զոհվել Քարվաճառի ձորերից մեկն ընկնելու հետևանքով

Ադրբեջանի բանակի երկու զինծառայողներ՝ Ռաջաբ Մանսիմլին և Իլյաս Օսմանովը, Քարվաճառի (Քելբաջար) Օմարի լեռնանցքի տարածքում ծառայողական պարտականությունները կատարելիս, ձնահյուսի և սառցապատման պատճառով, գահավիժել են ձորը, հայտնում են ադրբեջանական ԶԼՄ-ները:

Պաշտոնական տվյալներով՝ պատահարի հետևանքով Իլյաս Օսմանովը տարբեր աստիճանի մարմնական վնասվածքներով տեղափոխվել է հոսպիտալ, նրա առողջական վիճակը գնահատվում է կայուն: Իսկ մյուս զինծառայողը՝ Ռաջաբ Մանսիմլին, ստացած վնասվածքներից տեղում մահացել է։