Ալիևը կարևորել է Վրաստանի դերը՝ ՀՀ-ի հարաբերություններում

Վրաստանի վարչապետի և Ադրբեջանի նախագահի ճեպազրույցի ժամանակ Իլհամ Ալիևն անդրադարձել է Հայաստանի հետ հարաբերություններին, հայտնում են վրացական ԶԼՄ-ները:

Վերջինս կարևորել է Վրաստանի դերակատարությունը՝ ասելով.

«Այսօր ես պետք է հատկապես ընդգծեմ, որ Վրաստանը շատ կարևոր դեր է խաղում։ Պարոն վարչապետ, դուք խոսեցիք մեր և Հայաստանի միջև զարգացող խաղաղության գործընթացի մասին։ Մեր կողմից ստորագրվող համաձայնագրերը կարևոր քայլ են, բայց դրանք բավարար չեն, քանի որ ապագայում բոլոր քայլերը պետք է ամրապնդվեն։ Այս հանդիպումներն ու այցելությունները ծառայում են հենց այս նպատակին։ Մենք սկսեցինք երկխոսությունը Հայաստանի հետ Վրաստանի միջնորդությամբ, և ես շնորհակալ եմ Վրաստանի կառավարությանը այս աջակցության համար»: