Ալիևը մեկնել է Վրաստան

Այսօր պետական այցով Վրաստան կժամանի Ադրբեջանի նախագահ Իլհամ Ալիևը, հայտնում են վրացական ԶԼՄ-ները: Այցի շրջանակներում նախատեսված են Ադրբեջանի նախագահի հանդիպումները Վրաստանի նախագահ Միխեիլ Ղավելաշվիլիի և վարչապետ Իրակլի Կոբախիձեի հետ։

Վրաստանի նախագահի նստավայրում դիմավորման պաշտոնական արարողությունից հետո տեղի կունենա Ալիևի և Ղավելաշվիլիի առանձնազրույցը: Այնուհետև նախատեսված է հանդիպում վարչապետ Իրակլի Կոբախիձեի հետ՝ ինչպես առանձնազրույցի, այնպես էլ ընդլայնված ձևաչափով, որից հետո կողմերը հանդես կգան համատեղ հայտարարություններով: