Ալիևն ընդունել է Թուրքիայի փոխնախագահին

Ադրբեջանի նախագահ Իլհամ Ալիևը ընդունել է Թուրքիայի փոխնախագահ Ջևդեթ Յըլմազի գլխավորած պատվիրակությանը։ Այս մասին հայտնում է Ադրբեջանի նախագահի գրասենյակը:

Զրույցի ընթացքում անդրադարձ է կատարվել Բաքվում Թյուրքական պետությունների կազմակերպության անդամ երկրների վարչապետների և փոխնախագահների հանդիպման անցկացման կարևորությանը՝ նշելով, որ այս միջոցառումը լավ հնարավորություն է ստեղծում կազմակերպության շրջանակում համագործակցության ամրապնդման հետ կապված հարցերի քննարկման համար։

Հանդիպման ընթացքում նաև մտքերի փոխանակություն է տեղի ունեցել Ադրբեջանի և Թուրքիայի միջև երկկողմ համագործակցության հեռանկարների, տարածաշրջանային իրավիճակի և փոխադարձ հետաքրքրություն ներկայացնող այլ հարցերի շուրջ։