Ալիևն ու Բերդիմուհամեդովն այցելել են Ֆիզուլի (Վարանդա)

Ադրբեջանի նախագահը և Թուրքմենստանի նախագահը այցելել են Ֆիզուլի (Վարանդա)։ Ինչպես հայտնում են ադրբեջանական լրատվամիջոցները, Ադրբեջանի նախագահի հատուկ ներկայացուցիչ Էմին Հուսեյնովը թուրքմենական կողմին է ներկայացրել քաղաքի գլխավոր հատակագիծը, ըստ որի՝ մինչև 2040 թվականը նախատեսվում է ապահովել 50 հազար մարդու բնակեցում։

Հյուրին ներկայացվել են նաև Ֆիզուլիում Թուրքմենստանի կողմից կառուցվող մզկիթի մանրամասները, որի հիմնարկեքը կատարվել էր անցյալ տարի՝ Թյուրքական պետությունների կազմակերպության գագաթնաժողովի շրջանակում։ Մզկիթի համալիրը զբաղեցնելու է ավելի քան 1 հեկտար տարածք և նախատեսված է լինելու 500 հոգու համար։