ԱՄՆ-ն և Իրանը համաձայնության են եկել 60-օրյա հուշագրի շուրջ, սակայն անհրաժեշտ է Թրամփի հաստատումը

ԱՄՆ-ի և Իրանի բանակցողները համաձայնության են եկել 60-օրյա փոխըմբռնման հուշագրի շուրջ, որը նախատեսում է հրադադարի երկարաձգում և Իրանի միջուկային ծրագրի շուրջ բանակցությունների մեկնարկ, հայտնում է Axios-ը՝ հղում անելով ամերիկացի պաշտոնյաներին։

Սակայն ԱՄՆ նախագահ Դոնալդ Թրամփը դեռ չի տվել վերջնական հաստատում, իսկ Իրանը նույնպես չի հաստատել համաձայնությունը։

Փաստաթղթով նախատեսվում է, որ Հորմուզի նեղուցով նավարկությունը կլինի անարգել, Իրանը պետք է հեռացնի ականները, իսկ ԱՄՆ-ն կարող է թուլացնել որոշ պատժամիջոցներ և թույլ տալ նավթի վաճառքի վերսկսում։ Բացի այդ, քննարկվելու են Իրանի միջուկային ծրագրի սահմանափակումները և հարստացված ուրանի հարցը։

Կողմերը համաձայնել են, որ փաստաթուղթը նպատակ ունի բանակցային գործընթաց սկսելու համար, սակայն վերջնական համաձայնության հասնելու համար դեռ անհրաժեշտ են լրացուցիչ քննարկումներ։