Անակլիայի խորջրյա նավահանգիստը պետք է կառուցվի Վրաստանի, Ադրբեջանի եվ Հայաստանի համատեղ. վրացի պատգամավոր

Վրաստանի ընդդիմադիր «Լելո» կուսակցության առաջնորդներից Իրակլի Կուպրաձեն հայտարարել է, թե Անակլիայի խորջրյա նավահանգիստը պետք է կառուցվի Վրաստանի, Ադրբեջանի և Հայաստանի համատեղ մասնակցությամբ և դառնա ամբողջ աշխարհի համար Կովկաս տանող դարպասը։ Ըստ Կուպրաձեի՝ սա ուժեղ Վրաստանի, խաղաղության, բարգավաճման և զարգացման իրատեսական տեսլականի ճանապարհն է։

«Անակլիան պետք է դառնա երեք երկրների միջև գործընկերության, համակովկասյան խաղաղության, կայունության և բարգավաճման վայր։ Պատմությունը բազմիցս ապացուցել է, որ կայուն խաղաղությունն առավել երկարակյաց է այնտեղ, որտեղ երկրները միավորված են առևտրով, ենթակառուցվածքներով, ներդրումներով և համատեղ տնտեսական հաջողություններով»,-հայտարարել է Կուպրաձեն։