Անկարայում տեղի են ունեցել Թուրքիա–Վրաստան քաղաքական խորհրդակցություններ

Անկարայում տեղի են ունեցել Թուրքիա–Վրաստան քաղաքական խորհրդակցություններ։ Թուրքական կողմից մասնակցել է ԱԳՆ փոխնախարար, դեսպան Բուրհանեթթին Էքինջին, իսկ վրացական կողմից՝ փոխարտգործնախարար Լաշա Դարսալիան, հայտնում են թուրքական ԶԼՄ-ները:
Խորհրդակցությունների ընթացքում կողմերը քննարկել են երկկողմ հարաբերությունները, ինչպես նաև տարածաշրջանային և համաշխարհային զարգացումները։ «Beyazbelgehaber» -ը լրատվական կայքը նշել է, որ անդրադարձ է կատարվել երկու երկրների առջև ծառացած ընդհանուր մարտահրավերներին։ Կողմերը ընդգծել են Թուրքիայի ու Վրաստանի միջև քաղաքական, տնտեսական ու մշակութային համագործակցության զարգացման անհրաժեշտությունը։ Քննարկվել է նաև համաշխարհային զարգացումների ազդեցությունը երկու երկրների վրա։