Արագածոտնի մարզում BMW–ն գլորվել է ձորը. 18–ամյա տղան մահացել է, կա 3 վիրավոր

Վթարի փաստով նախաձեռնվել է քրեական վարույթ։

Մայիսի 28–ին, խոշոր ավտովթար է տեղի ունեցել Արագածոտնի մարզում, կա մեկ զոհ և 3 վիրավոր։ Այս մասին գրում է shamshyan.com–ը։

Ժամը 13։40-ի սահմաններում Աշտարակ-Երզնկա ավտոճանապարհին BMW մակնիշի ավտոմեքենան դուրս է եկել ճանապարհի երթևեկելի գոտուց և մի քանի պտույտ շրջվելով` հայտնվել ձորակում։

«Վթարի հետևանքով Կոտայքի մարզի բնակիչ 18-ամյա Աշոտ Ս․-ն տեղում մահացել է, իսկ Կոտայքի մարզի բնակիչ 18-ամյա Հարություն Հ․-ն, Երևանի բնակիչներ 16-ամյա Ռաֆայել Ա․-ն և 18-ամյա Դավիթ Թ․-ն տարբեր աստիճանի մարմնական վնասվածքներով տեղափոխվել են «Աշտարակ» բժշկական կենտրոն»,–գրում է կայքը։

Վթարի փաստով նախաձեռնվել է քրեական վարույթ։

Կայքի տեղեկություններով` երիտասարդները մեկնում էին տուժածներից մեկի ծննդյան օրը նշելու։