Արդյունաբերությունը զարգանում է, արտադրանքի ծավալը աճել է 4,7%-ով․ Փաշինյան

ՀՀ վարչապետ Նիկոլ Փաշինյանը ելույթ է ունեցել Եկատերինբուրգում ընթացող «Իննոպրոմ–2026»–ի լիագումար նիստում։

Փաշինյանի խոսքով՝ 2025 թ․ արդյունաբերական արտադրանքի ծավալի աճը նախորդ տարվա համեմատ կազմել է 4,7 տոկոս, իսկ ընթացիկ տարվա 4 ամիսներին՝ 13 տոկոս՝ նախորդ տարվա նույն ժամանակահատվածի համեմատ։

«Վերջին շրջանի լայնածավալ ներդրումները մատնանշում են Հայաստանի՝ որպես բարձր տեխնոլոգիաների ոլորտում երկարաժամկետ ռազմավարական տեսլական ունեցող հուսալի գործընկերոջ աճող ընկալումը: Հայաստանի արդյունաբերական ձեռնարկություններն արդեն ԵԱՏՄ գործընկերների հետ համատեղ մի շարք նախագծերի մասնակից են»,–նշել է Փաշինյանը։