Առողջապահության բարեփոխումները չպետք է իրականացվեն բուժաշխատողների եկամտի հաշվին. «Բարգավաճ Հայաստան»

Առողջապահության բարեփոխումները չպետք է իրականացվեն բուժաշխատողների եկամտի հաշվին։ Առողջապահական ապահովագրությունը պետք է ապահովության զգացում տա թե՛ հիվանդին, թե՛ բուժաշխատողին, այսպիսի մակագրությամ տեսանյութ է հրապարկել սոցցանցի իր էջում «Բարգավաճ Հայաստան» կուսակցության վարչապետի թեկնածու Գագիկ Ծառուկյանը:

«Բարգավաճ Հայաստան» կուսակցության նախընտրական ծրագրում առողջապահության համակարգի բարելավմանն ու կայուն զարգացմանն ուղղված կարևոր դրույթներ կան: Դրանք միտված են ստեղծելու ավելի հասանելի, արդար և մարդակենտրոն առողջապահություն։

Հանրապետության անվանի բժիշկների հետ կայացած հանդիպման ընթացքում քննարկեցինք ոլորտի առկա խնդիրներն ու զարգացման հեռանկարները։ Բոլորիս համոզմամբ՝ առողջ հասարակությունն ուժեղ ու կայուն պետության հիմքն է, իսկ առողջապահությունը պետք է շարունակի մնալ պետական առաջնահերթություններից մեկը։