«Արմավիր» ՔԿՀ-ում անօդաչու թռչող սարքի (դրոն) միջոցով փորձել են ազատազրկված անձանց արգելված իրեր փոխանցել

Հունիսի 17-ին՝ ժամը 04:10-ի սահմաններում, ՀՀ ԱՆ «Արմավիր» քրեակատարողական հիմնարկի տարածքում դիտաշտարակում ծառայություն իրականացնող աշխատակիցը նկատել է անօդաչու թռչող սարք (դրոն), այս մասին հայտնում է ՀՀ Արդարադատության նախարարության Քրեակատարողական ծառայությունը։

Անմիջապես իրականացված զննության ընթացքում հայտնաբերվել է դրոնը՝ ձկնորսական լարով կախված արգելագոտու հիմնական պատից։ Լարի հետքով շարունակված զննության արդյունքում հիմնարկի զբոսահրապարակի տանիքից հայտնաբերվել է սև կպչուն ժապավենով փաթեթավորված մեկ փաթեթ, որի մեջ եղել է երկու բջջային հեռախոս։

Դեպքի առթիվ նախաձեռնվել են համապատասխան միջոցառումներ։