Արթուր Օսիպյանի առողջական վիճակը հացադուլի ֆոնին վատթարացել է. Փաստաբան

«Նուբարաշեն» քրեակատարողական հիմնարկում պահվող Արթուր Օսիպյանը, որն արդեն 13-րդ օրն է շարունակում է հացադուլը, գտնվում է խիստ հյուծված վիճակում ասել է նրա փաստաբան Դավիթ Հովհաննիսյանը հայտնում է Sputnik Արմենիան:

Փաստաբանի խոսքով՝ գործն այս պահին գտնվում է վերաքննիչ դատարանում։ Պաշտպանական կողմը բողոքարկել է կալանքի որոշումը, ինչպես նաև ներկայացրել է հատուկ վերանայման բողոք։

Հիշեցնենք, որ Արթուր Օսիպյանը ձերբակալվել է մայիսի 18-ին՝ ՀՀ վարչապետ Նիկոլ Փաշինյանի հետ տեղի ունեցած վիճաբանությունից հետո։
Մինչ այդ նա սոցիալական ցանցում հրապարակում էր արել՝ գրելով. «Թե Նիկոլի տեղը իմացող կա, ասեք` բմբուլները օդ հանեմ։ Բա կերավ մեր միսը»։