Արտաշատում կասեցվել է մսամթերքի արտադրամասի գործունեությունը

Սննդամթերքի անվտանգության տեսչական մարմնի կողմից իրականացված ստուգման արդյունքում կասեցվել է Արտաշատում գործող անհատ ձեռնարկատեր Գևորգ Աղազարյանին պատկանող մսամթերքի արտադրամասի արտադրական գործունեությունը, հայտնում է ՀՀ ՍԱՏՄ–ն։

Պարզվել է, որ արտադրամասում խախտվել են սննդամթերքի անվտանգության տեխնիկական կանոնակարգի պահանջները՝ ներառյալ արտադրական հոսքերի բաժանման բացակայությունը, պահպանման ոչ պատշաճ պայմանները, սարքավորումների և տարածքների մաշվածությունը, ինչպես նաև անձնակազմի համար նախատեսված հանդերձարանի բացակայությունը։

Տեսչական մարմնի որոշմամբ արտադրական գործունեությունը կասեցվել է, սահմանվել է ժամկետ՝ հայտնաբերված խախտումները վերացնելու համար։