Արյունատվության կամավոր նախաձեռնությանը ևս երկու բժշկական կենտրոն է միացել. ԱՆ

Արյան կամավոր և անհատույց դոնորության գաղափարը շարունակում է միավորել հանրապետության բուժհաստատություններին՝ ձևավորելով փոխադարձ աջակցության և մարդասիրության շղթա։ Արյունատվության նախաձեռնությանը ևս երկու բժշկական կենտրոն է միացել: Այս մասին հայտնում են ՀՀ առողջապահության նախարարությունից:

«Մարտունու բժշկական կենտրոնը էստաֆետը ստացել է Քաջարանի բժշկական կենտրոնից և փոխանցել ԱՆ Այրվածքաբանության և մաշկաբանության ազգային կենտրոնին։ Յուրաքանչյուր նոր միացած բուժհաստատություն ևս մեկ կարևոր քայլ է դեպի կամավոր և անհատույց արյունատվության մշակույթի ամրապնդում և անվտանգ արյան պաշարների ապահովում», — նշված է նախարարության տարածած հաղորդագրության մեջ։

Առողջապահության նախարարությունը քաղաքացիներին և բուժաշխատողներին կոչ է անում միանալ ակցիային. «Դարձի՛ր դոնոր, փրկի՛ր կյանքեր»։