Աշխարհի տարբեր երկրներում հետևում են ուղևորներ տեղափոխող զբոսանավի վրա հանտավիրուսի բռնկմանը

Մինչ աշխարհի տարբեր երկրներում հետևում են  ուղևորներ տեղափոխող զբոսանավի վրա հանտավիրուսի բռնկումանը, առողջապահության մասնագետները շեշտում են, որ հանրության համար ռիսկը ցածր է։ Տեղեկությունը տարածում է «Reuters»-ը:

Այսպիսով, որքա՞ն պետք է անհանգստանանք։

Առողջապահության համաշխարհային կազմակերպությունը տեղեկացնում է, որ սա համավարակի սկիզբ չէ՝ ասելով. «Սա Covid չէ, սա գրիպ չէ, այն տարածվում է շատ տարբեր կերպ»։

Ի տարբերություն կարմրուկի և նման հիվանդությունների, որոնք խիստ վարակիչ են և հեշտությամբ տարածվում են, հանտավիրուսի Անդյան շտամն այդքան էլ վարակիչ չէ։

«Մարդուց մարդ տարածումը հնարավոր է, սակայն վարակի տարածման ռիսկը գլոբալ մակարդակով մնում է ցածր»-, ասում է ԱՀԿ-ն։

Նավի դեպքի հետ կապված տեղեկացնում են , որ նավի վրա գտնվող մարդկանց մոտ հայտնաբերվել է ութ դեպք՝ երեք հաստատված և հինգ կասկածելի։

ԱՀԿ-ից հիշեցնում են, որ հանտավիրուսը սովորաբար տարածվում է կրծողներից:

Հանտավիրուսը արտաքին աշխարհում չի տարածվում առօրյա սոցիալական շփման միջոցով, ինչպիսիք են հասարակական վայրերում, խանութներում, աշխատավայրերում կամ դպրոցներում զբոսանքները ։