Ավստրիայում հայտնաբերվել է առնետների թույն՝ HiPP մանկական սննդում

Ավստրիայում վտանգավոր դեպք է արձանագրվել․ HiPP մանկական սննդի որոշ տարաներում հայտնաբերվել է առնետների թույն, հայտնում է The Guardian-ը։

Արտադրանքը հետ է կանչվել Spar սուպերմարկետների ավելի քան 1000 խանութներից։

Ոստիկանությունը հայտնում է, որ խոսքը 190 գ գազարով և կարտոֆիլով սննդի մասին է։

 Նմանատիպ դեպքեր են արձանագրվել նաև Չեխիայում և Սլովակիայում։

Սպառողներին կոչ է արվում չօգտագործել կասկածելի տարաներով մանկական կերերը (վնասված կափարիչ, կնիքի բացակայություն, անսովոր հոտ) և վերադարձնել խանութ՝ փոխհատուցում ստանալու համար։