Ավտովթար Գեղարքունիքի մարզում` երկու անչափահասների մասնակցությամբ

Ապրիլի 23-ին՝ ժամը 22։30-ի սահմաններում, Գեղարքունիքի մարզում՝ Երևան–Սևան–Իջևան ավտոճանապարհի 55-րդ կմ հատվածում դեպի Գագարին ընթանալիս, «Mercedes» մակնիշի ավտոմեքենան դուրս է եկել ճանապարհից և մի քանի պտույտ գլխիվայր շրջվելով հայտնվել ձորում, այս մասին հայտնում է Shamshyan.com-ը:

Վթարի հետևանքով տուժել են մարզի բնակիչներ 17-ամյա Է․ Ս․-ն և 17-ամյա Ա․ Կ․-ն, որոնք մարմնական վնասվածքներով տեղափոխվել են «Սևան» բժշկական կենտրոն:

Վթարի մասին ՊԾ Գեղարքունիքի մարզի գումարտակից տեղեկությունը փոխանցել են ՀՀ քննչական կոմիտեի Գեղարքունիքի մարզային քննչական վարչության Սևանի քննչական բաժին:

Վթարի փաստով Սևանի քննչական բաժնում նախաձեռնվել է քրեական վարույթ, որտեղ էլ պարզվում է թե վիրավորներից ով է վարել ավտոմեքենան։


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։