Այդ աշխատակիցը Կենտրոն վարչական շրջանում այլևս անելիք չունի. Ավինյանը բարկացել էր

Երևանի քաղաքապետ Տիգրան Ավինյանն «Ակտիվ քաղաքացի» հարթակով դիմում է ներկայացրել Կենտրոն վարչական շրջանում ապօրինի գովազդի վերաբերյալ։ Իրեն պատասխանել են՝ խնդիրն արդեն վերացված է։

«Եվ մի քանի օր հետ այդ նույն գովազդը հայտնվել է նույն տեղում։ Կարծում եմ, որ կատարող աշխատակիցը վարչական շրջանում այլևս անելիք չունի։ Իրեն կարող ենք հրաժեշտ տալ»,-քաղաքապետարանի գործակարգավորական նիստի ընթացքում ասաց Տիգրան Ավինյանը։

Քաղաքապետն ասաց, թե նմանատիպ դեպքեր արձանագրելու դեպքում աշխատակիցներին պետք է խնդրել հեռանալ։

«Դեպքը կրկնվելու դեպքում աշխատակցի ղեկավարին դա կվերաբերի և այսպես շարունակ»,-նշեց Ավինյանը։