«ԱզերՏելեկոմ»-ը և «Տելեկոմ Արմենիա»-ն համաձայնագիր են ստորագրել ինտերնետային տրաֆիկի տարանցման վերաբերյալ

«ԱզերՏելեկոմ» և «Տելեկոմ Արմենիա» ընկերությունները երկկողմ համաձայնագրեր են ստորագրել Հայաստանի միջազգային ինտերնետային կապը Ադրբեջանի միջոցով ապահովելու վերաբերյալ։

Ադրբեջանական ԶԼՄ-ների տարածած տեղեկատվության համաձայն՝ համաձայնագրի շրջանակներում  ինտերնետային օպերատոր «ԱզերՏելեկոմ»-ը կընդլայնի միջազգային ինտերնետային տրաֆիկի մատակարարման երկրների թիվը և աշխարհագրությունը, ինչպես նաև կապահովի ինտերնետային տրաֆիկի տարանցումը դեպի Հայաստան՝ օգտագործելով իր սեփական ենթակառուցվածքները։

«Նման համաձայնագրերը նպատակ ունեն դիվերսիֆիկացնել տարածաշրջանում կապի ուղիները, հետագայում բարձրացնել հեռահաղորդակցության ցանցերի հուսալիությունը և զարգացնել համագործակցությունը հեռահաղորդակցության ոլորտում»,- գրում են ադրբեջանական ԶԼՄ-ները։