Բաքվի ներկայացուցիչը հայտարարել է, որ ներկայումս Ստեփանակերտում   ապրում է 28 հազար մարդ

Ադրբեջանական լրատվամիջոցները գրում են, որ ներկայումս Խանքենդի քաղաքում(Ստեփանակերտ)  ապրում է 28 հազար մարդ։

Այս մասին հայտարարել է  ԱՀ նախագահի հատուկ ներկայացուցիչ Էլչին Յուսուբովը՝ ելույթ ունենալով Ստեփանակերտի  մշակույթի կենտրոն   կատարած այցի ընթացքում։

« Ներկայումս Ղարաբաղում բնակություն են հաստատել և սովորում են ավելի քան 3000 ուսանողներ։ Այս թիվը կազմում է ընդհանուր բնակչության ավելի քան 10 տոկոսը», - հայտարարել է Էլչին Յուսուբովը։

Հատուկ ներկայացուցիչը նշել է, որ քաղաքում կառուցվում են նոր բնակելի շենքեր և այգիներ, ինչպես նաև կառուցվում են ժամանակակից պահանջներին համապատասխանող ճանապարհներ։

Նրա խոսքով՝ ակտիվացել է նաև քաղաքի տեսքին և ժամանակակից քաղաքաշինության չափանիշներին չհամապատասխանող շենքերի քանդումը։

Միաժամանակ սկսվել են նախագծային աշխատանքներ նոր պահանջներին համապատասխանող ժամանակակից շենքերի կառուցման համար։