Բաքվի ռազմական գնումներն ու Իսրայելի ամրապնդումն սպառնալիք են Թեհրանի համար․ իրանցի փորձագետ

Իրանցի միջազգայնագետ Էհսան Մովահեդիանն անդրադարձել է Ադրբեջանի վերջին ռազմական գնումներին և հակաիրանական քայլերին՝ ուշադրություն հրավիրելով Բաքվի սպառազինման վտանգավոր միտումների վրա:

«Կոնկրետ ի՞նչ նպատակով է Իլհամ Ալիևը Մեծ Բրիտանիայից և Իտալիայից ռազմանավեր գնել։ Մի՞թե Հայաստանը ծով ունի։ 800 կիլոմետր հեռահարություն ունեցող ԱԹՍ-ները հավաքվում են Բաքվի տարածքում՝ ո՞ւմ դեմ օգտագործվելու համար»,— հարց է բարձրացրել փորձագետը՝ ընդգծելով Բաքվի գործողությունների նկատմամբ խիստ զգոն լինելու անհրաժեշտությունը:

Մովահեդիանը հիշեցրել է Իրանի նախկին գերագույն առաջնորդի հորդորը՝ հաշվի առնել Ադրբեջանի ժողովրդի կրոնական զգացմունքներն ու տասնապատկել տնտեսական համագործակցությունը: Նրա գնահատմամբ, սակայն, Թեհրանի կողմից լիարժեք քայլեր չեն ձեռնարկվել, ինչի հետևանքով Իրանի անգործությունը Իսրայելին հնարավորություն է տվել ամրապնդել իր դիրքերը Բաքվում: