Բաքվում քննարկվել են Հայաստան-Ադրբեջան հարաբերությունները և TRIPP նախագիծը
Ապրիլի 8-ին Բաքվում Իլհամ Ալիևի և Ղազախստանի նախարարների հետ հանդիպման ընթացքում քննարկվել են Հայաստանի և Ադրբեջանի միջև հարաբերությունների կարգավորումների գործընթացը
Այսօր Ադրբեջանի նախագահ Իլհամ Ալիևը Բաքվում ընդունել է Ղազախստանի արտաքին գործերի նախարար Երմեկ Կոշերբաևին և տրանսպորտի նախարար Նուրլան Սաուրանբաևին։ Ինչպես հայտնում են ադրբեջանական ԶԼՄ–ները, հանդիպման ընթացքում կողմերը բարձր են գնահատել երկկողմ հարաբերությունների ներկայիս մակարդակը և դրանց զարգացումը տարբեր ոլորտներում։
Բացի այդ, քննարկվել է նաև Հայաստանի և Ադրբեջանի միջև հարաբերությունների կարգավորման գործընթացը, ինչպես նաև TRIPP նախագծի հնարավոր դերակատարությունը տարածաշրջանային համագործակցության և տրանսպորտային կապուղիների զարգացման մեջ։
Քննարկումների ընթացքում ընդգծվել է, որ Ադրբեջանն ու Ղազախստանը արդյունավետ համագործակցում են քաղաքական, տնտեսական, տրանսպորտային, լոգիստիկ, ներդրումային և էներգետիկ ուղղություններով։
Քննարկվել են նաև Միջին միջանցքի, Անդրկասպյան կանաչ էներգիայի միջանցքի և օպտիկամանրաթելային մալուխային նախագծերը՝ ընդգծելով Ադրբեջանի և Ղազախստանի հաջող համագործակցությունը այդ շրջանակներում։
Կարդացեք նաև
Տարածաշրջան28 օգոստոսի 2026
Նախարար Դավիթ Խուդաթյանը կմնասնակցի միջազգային ծովային ֆորումին
Գործուղումից վերադառնալուց հետո՝ եռօրյա ժամկետում, Դավիթ Խուդաթյանը ներկայացնելու է Վրաստան գործուղման արդյունքների մասին հաշվետվություն։
Տարածաշրջան28 օգոստոսի 2026
Ադրբեջանի տարածքով Ռուսաստանից Հայաստան է ուղարկվում հացահատիկի հերթական խմբաքանակը
Հայաստան է գալիս 420 տոննա ռուսական ցորեն և 280 տոննա գարի։
Տարածաշրջան28 օգոստոսի 2026
«Սվետոսլավա» բեռնատար նավը, որի վրա եղել են Ադրբեջանի քաղաքացիներ, խորտակվել է Սև ծովում
Նավը գիշերը ուղևորվում էր թուրքական նավահանգստից դեպի Մոլդովայի նավահանգիստ, երբ անհայտ պատճառներով խորտակվել է։