Բարձրացվել են շտապօգնության համակարգի աշխատակիցների աշխատավարձերը

Երևանում այս տարվա ապրիլից բարձրացել են շտապօգնության համակարգի աշխատակիցների աշխատավարձերը։

Այս մասին Երևանի քաղաքապետարանի գործակարգավարական խորհրդակցության ժամանակ ասաց Երևանի քաղաքապետարանի առողջապահության վարչության պետ Դավիթ Կարապետյանը։ 

«Բժիշկները, բուժքույրերն ու ֆելշերներն ապրիլ ամսվա համար կստանան 20 տոկոսով ավել աշխատավարձ։ Գծային բրիգադների դեպքում՝ վարորդները կստանան 30 տոկոս, ֆելշերական ու հոգեբուժական բրիգադները՝ 25 տոկոս ավել աշխատավարձ»,-ասաց Կարապետյանը։