Բացահայտվել է հանցավոր խմբի գործունեություն․ սպանության նախապատրաստության և այլ ծանր հանցագործությունների մեղադրանքով երեք անձ կալանավորվել է
Վանաձորում ստեղծված հանցավոր խմբի գործունեության բացահայտման արդյունքում հայտնաբերվել են զենքեր, թմրամիջոցներ և կեղծ թղթադրամներ։ Գործի շրջանակում երեք անձ կալանավորվել է։
ՀՀ ՆԳՆ քրեական ոստիկանությունը բացահայտել է հանցավոր խմբի գործունեության, սպանության նախապատրաստության և մի շարք այլ ծանր ու առանձնապես ծանր հանցագործությունների վերաբերյալ հանգամանքներ։ Գործի շրջանակում երեք անձի նկատմամբ որպես խափանման միջոց ընտրվել է կալանքը։
ՆԳՆ-ից հայտնում են, որ Քրեական ոստիկանության Լոռու մարզային վարչությունը օպերատիվ տեղեկություններ էր ստացել այն մասին, որ Վանաձորի 38-ամյա բնակիչը, որը, ըստ ոստիկանության, կրում է քրեական ենթամշակույթի գաղափարախոսությունը, ստեղծել է հանցավոր խումբ՝ ներգրավելով Լոռու մարզից և հանրապետության տարբեր բնակավայրերից հանցավոր գործունեությամբ զբաղվող անձանց։
Նախնական տվյալներով՝ խմբի անդամները տարբեր մարզերում պլանավորել, նախապատրաստել և կատարել են Քրեական օրենսգրքով նախատեսված մի շարք ծանր և առանձնապես ծանր հանցագործություններ։
Դեպքերի առթիվ Քրեական օրենսգրքի մի շարք հոդվածներով նախաձեռնվել է քրեական վարույթ։ Քրեական ոստիկանության գլխավոր վարչության, Կոտայքի և Արմավիրի մարզային վարչությունների, ինչպես նաև Համայնքային ոստիկանության Արմավիրի և Վաղարշապատի ծառայողների համագործակցությամբ իրականացվել է շուրջ մեկ տասնյակ խուզարկություն։
Խուզարկությունների արդյունքում հայտնաբերվել են տարբեր տեսակի զենքեր, կեղծ թղթադրամներ, թմրամիջոցներ, ինչպես նաև քրեական ենթամշակույթին բնորոշ իրեր և առարկաներ։
Գործի շրջանակում ձերբակալվել և վարույթն իրականացնող մարմին է ներկայացվել 5 անձ։ Նրանց նկատմամբ հարուցվել է հանրային քրեական հետապնդում, իսկ երեքը կալանավորվել են։
Կարդացեք նաև
Հասարակություն8 նոյեմբերի 2026
Ինչպես է «խորամանկում» Shirak Avia-ն․ Կարեն Հեքիմյան
Հասարակական գործիչ Կարեն Հեքիմյանը մեղադրանքներ է հնչեցրել «Shirak Avia»-ի հասցեին՝ պնդելով, որ ավիաընկերությունը ուղևորին մոլորեցրել է Երևան-Մոսկվա չվերթի չեղարկման վերաբերյալ։
Հասարակություն8 նոյեմբերի 2026
Երևանի քաղաքապետի խոսնակը հայտնել է իր անվերապահ աջակցությունը դպրոցի տնօրենին
Երևանի քաղաքապետարանի մամուլի խոսնակ Ջուլիետա Ազարյանը պաշտպանել է երաժշտական դպրոցի տնօրեն Իրինա Մկրտչյանին՝ կոչ անելով առաջնորդվել փաստերով, հարգել անձնական կյանքի անձեռնմխելիությունն ու անմեղության կանխավարկածը։
Հասարակություն4 նոյեմբերի 2026
Ողբերգական ավտովթար Արագածոտնի մարզում․ կա 9 զոհ և 3 վիրավոր
Արագածոտնի մարզում տեղի ունեցած ողբերգական շղթայական ավտովթարի հետևանքով 9 մարդ զոհվել է, ևս 3-ը՝ ստացել տարբեր աստիճանի մարմնական վնասվածքներ։