Բացահայտվել է թմրամիջոցների իրացմամբ զբաղվող հանցավոր կազմակերպության գործունեությունը

ՀՀ Քննչական կոմիտեն բացահայտել է հանցավոր կազմակերպության կազմում առանձնապես խոշոր չափերով թմրամիջոցների ապօրինի իրացման դեպքեր, այս մասին հայտնում է ՀՀ քննչական կոմիտեն։

Քննության տվյալներով՝ Գ.Ա.-ն և կազմակերպության մյուս անդամները 2020 թվականից զբաղվել են թմրամիջոցների մաքսանենգությամբ և իրացմամբ՝ դրանք վաճառելով ինչպես առձեռն, այնպես էլ համացանցի միջոցով՝ թաքստոցների համակարգով։

Գ.Ա.-ի նկատմամբ հարուցվել է հանրային քրեական հետապնդում, ընտրվել է կալանք և հայտարարվել հետախուզում։ Նա հայտնաբերվել ու ձերբակալվել է ՌԴ-ում, ապա տեղափոխվել Հայաստան։

Քրեական վարույթը մեղադրական եզրակացությամբ ուղարկվել է հսկող դատախազին։