Բայրամովն ու Արաղչին քննարկել են երկկողմ հարաբերություններն ու տարածաշրջանային իրավիճակը

Ադրբեջանի և Իրանի արտաքին գործերի նախարարներ Ջեյհուն Բայրամովն ու Աբբաս Արաղչին հեռախոսազրույց են ունեցել՝ քննարկելով երկկողմ հարաբերությունները և տարածաշրջանային իրավիճակը, այս մասին հայտնում են ադրբեջանական լրատվամիջոցները, հղում անելով երկրի ԱԳՆ–ին։

Իրանի նախարարը ներկայացրել է ԱՄՆ-ի հետ բանակցային գործընթացի մանրամասները, իսկ Բաքուն ընդգծել է խաղաղ կարգավորման և բանակցությունների միջոցով հակամարտությունների լուծման աջակցությունը։

Կողմերը նաև մտքեր են փոխանակել փոխադարձ հետաքրքրություն ներկայացնող այլ հարցերի շուրջ։