Բրյուսելում մեկնարկում է ԵՄ–Վրաստան վիզային երկխոսությունը

Եվրամիության և Վրաստանի միջև այսօր, վիզային երկխոսության շրջանակում, հանդիպում կկայանա, այս մասին հայտնում է վրացական interpressnews գործակալությունը։

Ըստ Վրաստանի արտաքին գործերի նախարարության՝  համաձայն ԵՄ 2018/1806 կանոնակարգի, կասեցման մեխանիզմի գործողության ընթացքում, Եվրոպական հանձնաժողովը պետք է համապատասխան երրորդ երկրի հետ երկխոսություն սկսի։

Եվրոպական հանձնաժողովի Միգրացիայի և ներքին գործերի գլխավոր տնօրինության հրավերով՝ հունիսի 11-ին, Բրյուսել-ում կկայանա Վրաստանի և Եվրոպական հանձնաժողովի միջև երկխոսության առաջին հանդիպումը։ Դրան կմասնակցեն Վրաստանի համապատասխան գերատեսչությունների ներկայացուցիչները՝ Արտաքին գործերի նախարարության միջազգային իրավական, հյուպատոսական և սփյուռքի հարցերի տնօրինության տնօրենի գլխավորությամբ։