Դատարանը կալանավորել է Սևանում օրեր առաջ «Mercedes G» մակնիշի ավտոմեքենայում հայտնաբերված հղի կնոջ մարմինը տեղափոխող նրա ամուսնուն

Երեկ՝ մայիսի 24-ին, Գեղարքունիքի մարզում 21-ամյա Հայկ Ղ.-ի նկատմամբ դատարանը որպես խափանման միջոց կիրառել է երկամսյա կալանք՝ Գեղարքունիքի մարզի ընդհանուր իրավասության դատարանի որոշմամբ, այս մասին հայտնում է Shamshyan.com-ը։

Նա ձերբակալվել էր մայիսի 22-ին՝ իր կնոջ՝ 22-ամյա Մարիաննա Բ.-ի մահվան դեպքի առթիվ նախաձեռնված քրեական վարույթի շրջանակում։ Կնոջ մարմինը հայտնաբերվել էր նրա կողմից վարձակալված «Mercedes G» մակնիշի ավտոմեքենայում։

Քննչական տվյալներով՝ դեպքի շուրջ քննություն է տարվում մի քանի վարկածով, այդ թվում՝ սպանության հնարավոր հանգամանքներով։ Կասկածյալը պնդել է, թե կինը ինքն է նետվել մեքենայից, սակայն իրավապահները շարունակում են դեպքի բոլոր հանգամանքների պարզումը։

Դատարանի որոշումից հետո Հայկ Ղ.-ն տեղափոխվել է քրեակատարողական հիմնարկ։ Քննությամբ պարզվել է նաև, որ նա ավտոմեքենան վարել է առանց վարորդական իրավունքի և եղել է ոչ սթափ վիճակում։